• Breaking News

    සුජීව ගොඩලියැද්දගේ පත්වීම නීති විරෝධීයි


    ක්‍රිකට් ආයතනයේ මෙවර නිලවරණයෙන් භාණ්ඩාගාරික තනතුරට පත් වූ සුජීව ගොඩලියැද්ද ක්‍රීඩා පනතට අනුව ජාතික ක්‍රීඩා සංගමයක භාණ්ඩාගාරික තනතුරට අදාල විය යුතු සුදුසුකම් සපුරා නැති බව lankasportsnews වගකීමෙන් යුතුව වාර්තා කරනවා.


    ඕනෑම සංගමයක භාණ්ඩාගාරික තනතුරට පත් විය යුත්තේ ගණකාධිකාරිවරයකු ලෙස සුදුසුකම් ලැබූවකු වුවත් සුජීව ගොඩලියැද්දට එවැනි සුදුසුකමක් නැත.


    එහෙත් ලංකාවේ වැඩිම මුදලක් සංසරණය වන ක්‍රීඩා සංගමයේ භාණ්ඩාගාරික වීම සඳහා ඔහු වෙනුවෙන්ම ක්‍රිකට් ව්‍යවස්ථාවට වගන්තියක් අලුතින් එක් කර තිබෙනවා.


    එයින් කියවෙන්නේ ගණකාධිකාරිවරයකු නොවුනත් ජාත්‍යන්තර සමුළුවකට හෝ රැස්වීමකට ගොස් තිබේ නම් එය සුදුසුකමක් ලෙස ගණන් ගන්නා බවයි.

    මෙය අපූරු සුදුසුකමක් ලෙස පෙනුනත් ක්‍රීඩා පණතට එරෙහි වන වෙනත් විහිළු සහගත සුදුසුකමක් වන නිසා ක්‍රීඩා ඇමතිවරයාට අනිවාර්‍යයෙන්  මෙයට ක්‍රියා මාර්ගයක් ගත  හැකි වෙනවා.

      

    එහෙත් ක්‍රිකට් බලධාරීන්ගේ සාක්කුවට වැටී ඇටි කෙහෙල් කෑ උගුඩුවකු මෙන් සිටින ක්‍රීඩා ඇමතිවරයා කුමන පියවරක් ගන්නේද යන්න සැක සහිතයි.


    හරින් ඇමතිවරයා විසින් ගිය වසරේ ගසන ලද විකාරරූපී ගැසට්ටුවද මේ දක්වා වෙනස් කිරීමට බය වී සිටින ක්‍රීඩා ඇමතිවරයා මෙසේ තව දුරටත් බිය සුල්ලකු සේ  කටයුතු කළහොත් ගෙදර යන්නට වෙන්නේ කලිසමත් නැතිව බව කියන්නේ ක්‍රීඩා අමාත්‍යාංශයේම ඇතුළේ අයයි.


    No comments